"Аллаһ тағала бүкіл жаратылысты жаратқаннан кейін, Өз құзырындағы ғаршының үстіндегі Кітапқа: - Менің мейірімім - ашуымнан басым, - деп жазды." (Бухари)

      – Шындығында, пенде күнә жасағанда, оның жүрегіне бір қара дақ түседі. Егер ол тәубә қылса, күнәні тастаса және өзін сөксе, онда оның жүрегі тазарады. Ал, егер ол тәубеге келместен тағы күнә жасаса, жүрегі тұтасымен қарайып кеткенше дақ үлкейе береді. «Жоқ! Керісінше, олардың жүректерін істеген қылықтарының таты басты» деген аяттағы айтылған «тат» - дәл осы дақ.» (Тирмизи, Нәсаи)

      "Адамдардың ең абзалы: жүрегі - таза, тілі - шыншыл адам. Ол - тақуа, күпірліктен таза, күнә істеу ниеті мен әділетсіздіктен аулақ, кек сақтамаған және күншіл болмаған жүрек. Ондай жүректің иелері - дүниені ұмытып, ақыретті қалағандар. Одан кейін - мінез-құлқы жақсы болған мүмин." (Тирмизи, Нәсаи)

      "Кімде-кім Аллаһ тағаладан кешірім сұраса, Ол оны уайымнан құтқарады және оған кез-келген қиын жағдайдан шығу жолын көрсете отырып, күтпеген жерден несібе береді." (Ибн Мажә)

      "Екі көз бар. Тозақтың оты оларға тимейді. Біріншісі - Аллаһты шынайы құрметтеп көзіне жас алғандар. Екіншісі - Аллаһ жолында күзетте көз ілмеген адам." (Бухари, Муслим)

      "Пенде Исламды қабылдап, оны жақсы ұстанса, Аллаһ Тағала оның бұрынғы өткен барлық күнәсін кешіреді және бұдан кейін оған берілер сауап мынандай болады: әрбір жақсы ісі - он еседен жеті жүз есеге дейін өседі, ал әрбір жаман ісіне - Аллаһ кешіріп жібермеген болса, дәл сондай бір ғана күнә жазылады." (Бухари)

      "Тілі мен жүрегі теңеспей, көршісі оның зиянынан аман болмай және сөзі мен ісі бір болмаған пенде - иман келтірген болмайды." (Ибн Нажжәр)

      "Игі мінезді адамдар Аллаһтың ең бір сүйікті құлдары." (әл-Хаким)

      "Көркем мінез дегеніміз, ол - кеңпейілділік, жомарттық пен сабырлық." (Хасан жеткізген)

      "Мүминдердің ішінде иманы ең кәмілі - мінез-құлығы жақсы болғаны. Ал, сендердің ең жақсыларың - әйелімен жақсы мәміледе болғаны." (Тирмизи жеткізген)

      "Мүминдердің ішінде иманы ең кәмілі - мінез-құлығы жақсы болғаны. Ал, сендердің ең жақсыларың - әйелімен жақсы мәміледе болғаны." (Тирмизи жеткізген)

      "Әкенің баласы үшін жақсы тәрбие беруден артық сыйы жоқ." (1)

      "Балаларыңның намаздарын оқуын қадағалаңдар және жақсылыққа әдеттендіріңдер! Себебі, жақсылық адам баласына тән нәрсе!" (2)
(1) Муслим;
(2) Табәрани

      "Ұятсыздық болған істе кемшілік болады. Ұят болған істе жақсылық болады." (Тирмизи)

      "Аллаһқа құлшылық етілетін күндер ішінде Зүлхиджаның алғашқы он күнінен ұнамды күн жоқ. Ол күндері ұсталынған әрбір күннің оразасы бір жылдық оразаға, әрбір түнінде қылынған намаздар Қадір түніне тең." (Тирмизи, Саум; Ибн Мажә, Сыям) Хижри жылсанауда ең соңғы ай - Зүлхиджа айы. Ол айда Исламның бес парызының бірі болған - қажылық ғибадаты орындалады. Зүлхиджа айының 1-і мен 10-ы арасында болған уақытты берекелі он түн деп атайды. Ал 10-шы күні болса Құрбан айттың бірінші күні. *Ескерту*: Сәрсенбі (18 қараша) Зүлхиджа айының бірінші күні.